Патрабаванні да дакументаў
Консульская службовая асоба прымае складзеныя за межамі Рэспублікі Беларусь дакументы пры ўмове легалізацыі, калі іншае не ўстаноўлена актамі заканадаўства Рэспублікі Беларусь, а таксама міжнароднымі дагаварамі Рэспублікі Беларусь.
Для здзяйснення натарыяльных дзеянняў не прымаюцца дакументы:
- якія маюць падчысткі, прыпіскі, закрэсленыя словы, выпраўленні, якія не былі ўзгоднены;
- якія змяшчаюць звесткі, якія ганьбяць гонар, годнасць, дзелавую рэпутацыю грамадзян, а таксама дзелавую рэпутацыю юрыдычных асоб;
- якія не адпавядаюць патрабаванням заканадаўства.
Дакументы, якія складзены на замежнай мове і прадстаўляюцца для здзяйснення натарыяльных дзеянняў, аказання паслуг прававога і тэхнічнага характару, павінны быць пераведзены на беларускую або рускую мову, і вернасць перакладу або сапраўднасць подпісы перакладчыка павінны быць засведчаны натарыяльна, калі іншае не прадугледжана актамі заканадаўства.
Дакумент, які складзены з двух і болей лістоў, які прадстаўлены для здзяйснення натарыяльных дзеяннеў, павінен быць прашыты або змацаваны іншым чынам, які не дазваляе падзяліць лісты гэтага дакумента.
Лісты такога дакумента павінны быць пранумараваны. Запіс аб колькасці прашытых альбо пранумараваных, альбо змацаваных лістоў завяраецца подпісам асобы, ад якой зыходзіць дакумент. Названыя патрабаванні аб прашыўцы ці змацаванні лістоў не распаўсюджваюцца на дакумент, кожны ліст якога завераны подпісам асобы, ад якой зыходзіць дакумент.